ഉടനീളമുള്ള വാങ്ങൽ കാരണം തുടർച്ചയായ രണ്ടാം ദിവസവും വിപണികൾ ഉയർന്നു.പ്രധാനമായും ഐടി ഓഹരികളാണ് മുന്നേറിയത്.

4.10 ശതമാനം വരെ ചില ഐടി ഓഹരികൾ ഉയർന്നു.

ബിഎസ്ഇ സെൻസെക്സ് 632 പോയിന്റ് (1.17 ശതമാനം) ഉയർന്ന് 54,885 ൽ അവസാനിച്ചു. ഇന്ന്  ഇൻട്രാ-ഡേയിൽ 54,937 എന്ന ഉയർന്ന നിലയിലെത്തിയിരുന്നു. അതുപോലെ, എൻഎസ്ഇ നിഫ്റ്റി 182 പോയിന്റ് (1.13 ശതമാനം) ഉയർന്ന് 16,352 ലാണ് ക്ലോസ് ചെയ്തത്. രാവിലെ സൂചിക 16,371 എന്ന ഉയർന്ന നിലവാരത്തിലെത്തിയിരുന്നു.

സെൻസെക്‌സിൽ ടെക് മഹീന്ദ്ര, ഇൻഡസ്ഇൻഡ് ബാങ്ക്, വിപ്രോ, ബജാജ് ഫിനാൻസ്, ഇൻഫോസിസ്, ബജാജ് ഫിൻസെർവ്, ലാർസൻ ആൻഡ് ടൂബ്രോ, എച്ച്സിഎൽ ടെക്നോളജീസ് എന്നിവയാണ് 4.10 ശതമാനം വരെ ഉയർന്ന് നേട്ടമുണ്ടാക്കിയത്. അപ്പോളോ ഹോസ്പിറ്റൽസ്, ടെക് എം, എച്ച്ഡിഎഫ്സി ലൈഫ്, ഹീറോ മോട്ടോകോർപ്പ്, ഇൻഡസ്ഇൻഡ് ബാങ്ക്, ബജാജ് ഫിനാൻസ്, വിപ്രോ, ഇൻഫോസിസ്, എൽ ആൻഡ് ടി, എച്ച്യുഎൽ, ബജാജ് ഫിൻസെർവ് എന്നിവ നിഫ്റ്റിയിൽ 2.5 ശതമാനത്തിലധികം ഉയർന്നു.

സെൻസെക്‌സിൽ എൻ‌ടി‌പി‌സി, ഭാരതി എയർടെൽ, പവർഗ്രിഡ്, ടാറ്റ സ്റ്റീൽ, റിലയൻസ് ഇൻഡസ്ട്രീസ് എന്നിവയാണ് 2.43 ശതമാനം വരെ താഴ്ന്നത്. ദേശീയ സ്റ്റോക്ക് എക്സ്ചേഞ്ചിൽ (NSE) നിഫ്റ്റി ഐടി സൂചിക 2.54 ശതമാനം ഉയർന്ന് നേട്ടമുണ്ടാക്കിയപ്പോൾ നിഫ്റ്റി മെറ്റൽ സൂചിക 0.06 ശതമാനം ഇടിഞ്ഞതാണ് ഏക നഷ്ടം. 

സെൻസെക്‌സ് 30 ഓഹരികളിൽ 23 എണ്ണവും നേട്ടത്തിലാണ് വ്യാപാരം അവസാനിപ്പിച്ചത്. ബിഎസ്ഇ മിഡ് ക്യാപ്, സ്‌മോൾ ക്യാപ് സൂചികകൾ യഥാക്രമം 374 പോയിന്റും 303 പോയിന്റും ഉയർന്നു. ബിഎസ്ഇ മേഖലാ സൂചികകളിൽ, ഐടി, ബാങ്കിംഗ് ഓഹരികൾ മികച്ച നേട്ടമുണ്ടാക്കി, അവയുടെ സൂചികകൾ യഥാക്രമം 676 പോയിന്റും 549 പോയിന്റും ഉയർന്നു. ബിഎസ്ഇയിൽ ലിസ്റ്റ് ചെയ്ത കമ്പനികളുടെ വിപണി മൂല്യം ബിഎസ്ഇയിൽ 253.12 ലക്ഷം കോടി രൂപയായി ഉയർന്നു.

സെൻസെക്‌സിന്റെ ആദ്യ അഞ്ച് നേട്ടക്കാർ:-

ടെക് മഹീന്ദ്ര:- ബിഎസ്ഇയിൽ ഐടി മേജറിന്റെ ഓഹരി, 4.33 ശതമാനം ഉയർന്ന് 1126 രൂപയിലെ ഏറ്റവും ഉയർന്ന നിരക്കിലെത്തിയതിന് ശേഷം 4.10 ശതമാനം ഉയർന്ന് 1,123 രൂപയിൽ ക്ലോസ് ചെയ്തു. കമ്പനിയുടെ വിപണി മൂലധനം 1.09 ലക്ഷം കോടി രൂപയായി ഉയർന്നു. 

ഇൻഡസ്ഇൻഡ് ബാങ്ക്: ബിഎസ്ഇയിൽ ഈ  ബാങ്കിംഗ് സ്റ്റോക്ക് 3.27 ശതമാനം ഉയർന്ന് 926.35 രൂപയിൽ എത്തിയതിന് ശേഷം, 3.23 ശതമാനം ഉയർന്ന് 926 രൂപയിൽ അവസാനിച്ചു. കമ്പനിയുടെ വിപണി മൂല്യം 71743 കോടി രൂപയായി ഉയർന്നു.

വിപ്രോ: ബി‌എസ്‌ഇയിൽ ഈ സ്റ്റോക്ക് 453.45 രൂപയിൽ നിന്ന്  3.11 ശതമാനം ഉയർന്ന് 467.55 രൂപ എന്ന ഉയർന്ന ഇൻട്രാ ഡേ നിലവാരത്തിലെത്തിയതിന് ശേഷം 2.98 ശതമാനം ഉയർന്ന് 466.95 രൂപയിൽ അവസാനിച്ചു. കമ്പനിയുടെ വിപണി മൂലധനം 2.55 ലക്ഷം കോടി രൂപയായി ഉയർന്നു. 

ബജാജ് ഫിനാൻസ്: 5915 രൂപയിൽ ഇന്ന് തുറന്ന സ്റ്റോക്ക് 2.98 ശതമാനം ഉയർന്ന് 5993.65 രൂപയിൽ അവസാനിച്ചു. കമ്പനിയുടെ വിപണി മൂലധനം 3.64 ലക്ഷം കോടി രൂപയായി ഉയർന്നു.

എം ആൻഡ് എം: ബിഎസ്ഇയിൽ  928.45 രൂപയിൽ ഇന്ന് തുറന്ന സ്റ്റോക്ക് 3.18 ശതമാനം ഉയർന്ന് 957.95 രൂപയിലെത്തിയതിന് ശേഷം 2.67 ശതമാനം ഉയർന്ന് 953.20 രൂപയിൽ ക്ലോസ് ചെയ്തു. കമ്പനിയുടെ വിപണി മൂലധനം 1.18 ലക്ഷം കോടി രൂപയായി ഉയർന്നു.

ഇന്നലെ സെൻസെക്‌സ് 457 പോയിന്റ് ഉയർന്ന് 54,709ലും നിഫ്റ്റി 126 പോയിന്റ് ഉയർന്ന് 16,296ലുമെത്തി. മെയ് 26 ന് വളരെ അസ്ഥിരമായ ഒരു സെഷനിൽ മാർക്കറ്റ് അതിന്റെ മൂന്ന് സെഷൻ നഷ്ടങ്ങളുടെ തുടർച്ച അവസാനിപ്പിച്ച്.ഇൻട്രാ ഡേ യിൽ സെൻസെക്‌സ് 503 പോയിന്റ് ഉയർന്ന് 54,252ലും നിഫ്റ്റി 144 പോയിന്റ് ഉയർന്ന് 16,170ലുമെത്തിയിരുന്നു. ടാറ്റ സ്റ്റീൽ എസ്‌ബിഐ, എച്ച്‌ഡിഎഫ്‌സി ബാങ്ക്, ആക്‌സിസ് ബാങ്ക് എന്നിവ സെൻസെക്‌സ് 5.27 ശതമാനം വരെ ഉയർന്ന നേട്ടത്തിലായപ്പോൾ സൺ ഫാർമ, ആർ‌ഐ‌എൽ, എച്ച്‌യു‌എൽ, എൽ ആൻഡ് ടി എന്നിവ 1.16 ശതമാനം വരെ താഴ്ന്നു.